റാന്നി: അത്തിക്കയം കണ്ണമ്പള്ളിയില്‍ കുട്ടികളെ മുഖംമൂടിധാരികള്‍ തട്ടികൊണ്ടു പോകാന്‍ ശ്രമിച്ചുവെന്ന് പരാതി. വീട്ടില്‍ ആളില്ലാത്ത സമയം നോക്കി എത്തിയ മുഖംമൂടിധാരികള്‍ കത്തികാട്ടി കുട്ടികളെ ഭീഷണിപ്പെടുത്തകയും ചെയ്തു. അലറിവിളിച്ച് കുട്ടികള്‍ പൊതുപ്രവര്‍ത്തകനായ ജോണ്‍ മാത്യു ചക്കിട്ടയിലിന്റെ വീട്ടിലേക്ക് ഓടി കയറിയതോടെ മുഖംമൂടിധാരികള്‍ വാഹനത്തില്‍ കയറി രക്ഷപെട്ടുവെന്നാണ് പറയുന്നത്.
പത്തും നാലും വയസുള്ള കുട്ടികളെ വീട്ടിലാക്കിയ ശേഷം മാതാപിതാക്കള്‍ പള്ളിയില്‍ പോയിരിക്കുകയായിരുന്നു. വിവരമറിഞ്ഞ് സ്ഥലത്തെത്തിയ പെരുനാട് പോലീസ് സിസിടിവി ദൃശ്യങ്ങള്‍ പരിശോധിച്ചു വരികയാണ്. കറുത്ത വസ്ത്രമണിഞ്ഞെത്തിയ ആക്രമി മുഖംമൂടിയും കൈയ്യുറയും ധരിക്കുകയും കൈയ്യില്‍ കത്തി കരുതിയിരുന്നതായും കുട്ടികള്‍ പറഞ്ഞു. സംഭവം പുറത്തായതോടെ ജനങ്ങള്‍ കനത്ത ജാഗ്രതയിലാണ്.
