ചിറ്റാർ: പി.പി. മത്തായിയുടെ ഘാതകരെ സംരക്ഷിക്കുന്നത് വനം വകുപ്പ് മന്ത്രിയാണെന്ന് ജില്ല പഞ്ചായത്ത് മുൻ പ്രസിഡന്റ് അഡ്വ. ഹരിദാസ് ഇടത്തിട്ട ആരോപിച്ചു. പി.പി.മത്തായിയുടെ ഘാതകരെ അറസ്റ്റ് ചെയ്യണമെന്നാവശ്യപ്പെട്ട് ചിറ്റാർ ഫോറസ്റ്റ് റെയ്ഞ്ച് ഓഫീസിനു മുന്നിൽ ഡി.സി.സി നടത്തുന്ന റിലേ സത്യാഗ്രഹത്തിന്റെ പതിമൂന്നാമത്തെ ദിവസത്തെ സമരം ഉദ്ഘാടനം ചെയ്യുകയായിരുന്നു അദ്ദേഹം.
ഡി.സി.സി ജനറൽ സെക്രട്ടറി ഏഴംകുളം അജു അദ്ധ്യക്ഷത വഹിച്ചു. ഡി.സി.സി പ്രസിഡന്റ് ബാബു ജോർജ്ജ് , കെ.പി.സി.സി അംഗങ്ങളായ പി. മോഹൻരാജ് , തോപ്പിൽ ഗോപകുമാർ , ഡി.സി.സി ജനറൽ സെക്രട്ടറിമാരായ അഡ്വ. ടി.എൻ തൃദീപ് , സാമുവൽ കിഴക്കുപുറം , സുധ കുറുപ്പ് , ബിജിലി ജോസഫ് , അഡ്വ.ബിജു വർഗ്ഗീസ് , ആനന്ദപ്പള്ളി സുരേന്ദ്രൻ , ബ്ലോക്ക് പ്രസിഡന്റുമാരായ അഡ്വ.ബിജു ഫിലിപ്പ് , മണ്ണടി പരമേശ്വരൻ , റോയിച്ചൻ ഏഴിക്കകത്ത് ,ജനതാദൾ (യു) സംസ്ഥാന ട്രഷറാർ ജേക്കബ് വർഗ്ഗീസ് , എം ആർ .ജയപ്രസാദ് , യൂത്ത് കോൺഗ്രസ്സ് സംസ്ഥാന ജനറൽ സെക്രട്ടറി വിമൽ കൈതയ്ക്കൽ , മണ്ഡലം പ്രസിഡന്റ് ബഷീർ വെള്ളത്തറ, സലിം പി.ചാക്കോ തുടങ്ങിയവർ പ്രസംഗിച്ചു.
