പത്തനംതിട്ട ജില്ലക്കാരായിട്ടുള്ള പ്രവാസികള്‍ രചനയും സംഗീതവും ആലാപനവും നിർവ്വഹിച്ച “മഴവില്ല് ” സംഗീത ആൽബം സോഷ്യൽ മീഡിയയിൽ തരംഗമാകുന്നു.
തിരുവല്ല സ്വദേശി രോഷ്നി രജി ആണ് ഗാനം ആലപിച്ചിരിക്കുന്നത്. രചന പന്തളം കുരമ്പാല സ്വദേശി ശ്രീലക്ഷ്മിയാണ്‌. ഇരട്ടകളായ ഗോപിക ബാബു, ദേവിക ബാബു എന്നിവരോടൊപ്പം മനു കൃഷ്ണകുമാറും ആല്‍ബത്തില്‍ വേഷമിടുന്നു. പടയണി കലാകാരൻ കൂടിയായ മനു മോഹൻ സംഗീത സംവിധാനം നിർവ്വഹിച്ചിരിക്കുന്ന ആൽബത്തിന്റെ ദൃശ്യസംവിധാനം ഒരുക്കിയിരിക്കുന്നത് പ്രശസ്ത സംവിധായകൻ രഞ്ജിഷ്‌ മുണ്ടക്കലാണ്‌. കോൺവെക്സ് മീഡിയ അജിത്‌ നായർ ക്യാമറ ദൃശ്യമൊരുക്കിയ “മഴവില്ലിന് ” പശ്ച്ചാ‌ത്തല സംഗീതമൊരുക്കിയിരിക്കുന്നത്‌ ഷിബി പി സിദ്ദിക്കാണ്‌. ആര്‍.കെ മുസിക് ബാനറിൽ ആൽബം നിർമ്മിച്ചിരിക്കുന്നത് രജി കെ വീടാണ്‌.
