ന്യൂഡല്ഹി: വെന്റിലേറ്ററില് അത്യാസന്ന നിലയില് കിടക്കുന്ന രോഗിക്ക് ഗോമൂത്രം ഒഴിച്ചു നല്കുന്ന ബി.ജെ.പി പ്രവര്ത്തകന്റെ വിഡിയോ വൈറലാകുന്നു. പി.പി.ഇ കിറ്റിനൊപ്പം ബി.ജെ.പി ചിഹ്നം പതിപ്പിച്ച ഷാള് ധരിച്ചാണ് പ്രവര്ത്തകന് ഗോമൂത്രം നല്കുന്നത്.
സംഭവം നാണക്കേടാണെന്നും ഈ സര്ക്കാറിനെതിരെ പറയാന് ഇനി വാക്കുകള് ഒന്നുമില്ലെന്നുമുള്ള അടിക്കുറിപ്പോടെ യൂത്ത് കോണ്ഗ്രസ് ഔദ്യോഗിക പേജാണ് വിഡിയോ പങ്കുവെച്ചത്. എന്നാല് സംഭവം വലിയ പ്രധാന്യത്തോടെ പങ്കുവെച്ച സൂറത്തിലെ ബി.ജെ.പി ലീഡര് കിഷോര് ബിന്ഡാല് വ്യാപക പരിഹാസങ്ങളുയര്ന്നതോടെ വിഡിയോ ഡിലീറ്റ് ചെയ്ത് രക്ഷപെട്ടു.