തിരുവനന്തപുരം: സ്വാശ്രയ മെഡിക്കല് കോളജുകളിലെ എംബിബിഎസ് വാര്ഷിക ഫീസ് നിശ്ചയിച്ചു ജസ്റ്റിസ് ആര്.രാജേന്ദ്രബാബു കമ്മിറ്റിയാണ് ഉത്തരവിറക്കിയത്. 6.22 ലക്ഷം മുതല് 7.65 ലക്ഷം വരെയുള്ള ഫീസാണ് 19 കോളജുകളിലായി മെഡിക്കല് ഫീസ് റഗുലേറ്ററി കമ്മിറ്റി തീരുമാനിച്ചിരിക്കുന്നത്. 15% എന്ആര്ഐ സീറ്റിലെ ഫീസ് 20 ലക്ഷം രൂപയാണ്. ഇതില് 5 ലക്ഷം രൂപ പാവപ്പെട്ട വിദ്യാര്ഥികള്ക്ക് സ്കോളര്ഷിപ്പായി നല്കും. ഓരോ കോളജിലെയും സീറ്റിന്റെ വിശദാംശങ്ങള് കൂടി ഉള്പ്പെടുത്തി പ്രോസ്പെക്ടസ് അംഗീകരിക്കുന്നതോടെ പ്രവേശന നടപടികള് ഉടനെ തുടങ്ങും. സുപ്രീം കോടതി വിധിക്ക് അനുസരിച്ചു ഫീസില് പിന്നീടു മാറ്റം വരാം
അസീസിയ കൊല്ലം, ബിലീവേഴ്സ് ചര്ച്ച് മെഡിക്കല് കോളജ് തിരുവല്ല, സിഎസ്ഐ മെഡിക്കല് കോളജ് കാരക്കോണം, ജൂബിലി തൃശൂര്, എംഇഎസ് പെരിന്തല്മണ്ണ, പുഷ്പഗിരി തിരുവല്ല, ശ്രീഗോകുലം വെഞ്ഞാറമൂട്, അല് അസ്ഹര് തൊടുപുഴ, അമല തൃശൂര്, മലബാര് കോഴിക്കോട്, ഓര്ത്തഡോക്സ് ചര്ച്ച് മെഡിക്കല് കോളജ് കോലഞ്ചേരി, ട്രാവന്കൂര് കൊല്ലം എന്നീ കോളേജുകളില് ഈ വര്ഷത്തെ ഫീസ് 6,55,500 രൂപയാണ്. കഴിഞ്ഞ വര്ഷം ഇത് 6.16 ലക്ഷം രൂപയായിരുന്നു.
ഡിഎം വയനാട് 7,01200 (6.589), കരുണ പാലക്കാട് 6, 32,800 (5.945), കെഎംസിടി കോഴിക്കോട് 6,48,500 (6.094), പി.കെ.ദാസ് പാലക്കാട് 707000(6.644)എസ്എന് ഇന്സ്റ്റിറ്റ്യൂട്ട് നോര്ത്ത് പറവൂര് 7,65,400(7.192) മൗണ്ട് സിയോന് അടൂര് 6,50,600(6.113) എസ്യുടി തിരുവനന്തപുരം 6,22,800 (5.852).
