കോട്ടയം : കുറവിലങ്ങാട് എം.സി റോഡില് ബൈക്കിന് പിന്നില് ടോറസ് ലോറിയിടിച്ച് യുവാവിന് ദാരുണാന്ത്യം. പുതുപ്പള്ളി പരിയാരം കാടമുറി കൊച്ചുപറമ്ബില് കുഞ്ഞുമോന്-അന്നമ്മ ദമ്പതികളുടെ മകന് റോബിന് കെ.ജോണാണ് (28) മരിച്ചത്. ശനിയാഴ്ച വൈകീട്ട് 7.30ഓടെയാണ് സംഭവം. പുതുവേലി കോളേജിന് സമീപമായിരുന്നു അപകടം നടന്നത്.
ജോലി കഴിഞ്ഞ് വീട്ടിലേക്ക് മടങ്ങവേ ആയിരുന്നു അപകടം. പെരുമ്പാവൂര് യൂണിപവര് കമ്പനിയില് ടെക്നീഷനാണ്. മാര്ച്ച് 19നായിരുന്നു റോബിനും പയ്യപ്പാടി സ്വദേശിനി ബീതുവുമായി വിവാഹം കഴിഞ്ഞത്. മൃതദേഹം പോസ്റ്റ്മോര്ട്ടം നടപടികള്ക്കായി ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. സഹോദരി: പ്രിന്സി.
