പത്തനംതിട്ട : ജില്ലയിലെ പമ്പ, അച്ചൻകോവിൽ, മണിമല തുടങ്ങിയ നദികളില് നിന്നും മണൽ വാരുന്നതിന് സംസ്ഥാന സര്ക്കാര് അടിയന്തിര നടപടികള് സ്വീകരിക്കണമെന്ന് കെ.പി.സി.സി. ജനറൽ സെക്രട്ടറി പി.മോഹൻ രാജ് ആവശ്യപ്പെട്ടു. ജില്ല ഫോറസ്റ്റ് ഡിപ്പോ ലോഡിംഗ് & ജനറൽ വർക്കേഴ്സ് യൂണിയൻ ഐ.എൻ.റ്റി.യു.സി. ജില്ല കമ്മറ്റി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ജില്ലയിൽ ക്വാറി ഉത്പന്നങ്ങള്ക്ക് ക്ഷാമമുണ്ടെന്ന് വരുത്തിതീർക്കുവാനുള്ള സംഘടിതമായ ശ്രമം ക്വാറി ഉടമകൾ നടത്തുന്നുണ്ട്. അതിലൂടെ പാറയുടെ വില വര്ധിപ്പിക്കുവാനാണ് ഇവർ ലക്ഷ്യമിടുന്നത്.
അത്തരം സാഹചര്യത്തിലേക്ക് പോയാൽ ഐ.എൻ.റ്റി.യു.സി. യുടെ നേതൃത്വത്തിൽ ശക്തമായ സമര പരിപാടികള് ആരംഭിക്കുമെന്നും അദ്ദേഹം പറഞ്ഞു. ആർ.സുകുമാരൻ നായര് അധ്യക്ഷത വഹിച്ചു. ഗ്രേസി തോമസ്, റ്റി.സി.തോമസ്, അങ്ങാടിക്കൽ വിജയകുമാർ, സജി കെ.സൈമൺ, പി.വി.ഏബ്രഹാം, സി.പി.ജോസഫ്, പി.കെ.മുരളി, അനീഷ് ഗോപിനാഥ്, റെനീസ് മുഹമ്മദ്, ജോസ് കെ.കെ., കെ.എസ്.പ്രദീപ്, സജി മണിയാർ, മനോജ് ഡേവിഡ് കോശി, ശാമുവേല് കുട്ടി തുടങ്ങിയവർ സംസാരിച്ചു.
