മല്ലപ്പള്ളി : യുണൈറ്റഡ് ക്രിസ്ത്യൻ കൺവെൻഷന്റെ ആഭിമുഖ്യത്തിൽ ജോർജ്ജ് മാത്തൻ മെമ്മോറിയൽ മിഷൻ ആശുപത്രി, ചൈതന്യ കണ്ണാശുപത്രി എന്നിവയുടെ സഹകരണത്തോടെ മല്ലപ്പള്ളി കൺവെൻഷൻ ജൂബിലി മന്ദിരത്തിൽ മെഡിക്കൽ ക്യാമ്പ് നടത്തി. മല്ലപ്പള്ളി ഗ്രാമപഞ്ചായത്ത് പ്രസിഡന്റ് കെ.ജി.സാബു ഉൽഘാടനം ചെയ്തു. സാമൂഹിക സേവന മേഖലയിൽ മല്ലപ്പള്ളി കൺവെൻഷൻ എക്കാലവും ഉയർന്ന ചിന്തകളും പ്രവർത്തികളും മാതൃകപരമായ സേവനവും നിർവഹിക്കുന്നതായി അദ്ദേഹം പറഞ്ഞു. യുണൈറ്റഡ് ക്രിസ്ത്യൻ കൺവെൻഷന് പ്രസിഡന്റ് ഷാജി എം. ജോണ്സണ് അധ്യക്ഷത വഹിച്ചു.
പഞ്ചായത്ത് വൈസ് പ്രസിഡന്റ് സിന്ധു സുഭാഷ്, മെമ്പർ പ്രകാശ് കുമാർ വടക്കേമുറി, ഉമ്മൻ പി.ജോൺ, സാം ടി.മാത്യു, ജോസി കുര്യൻ, ബാബു ഉമ്മൻ പി., വർഗീസ് തോമസ്, റോയ്സ് വർഗീസ്, മാത്യൂസ് ടി. മാത്യു, രാജു കളപുരക്കൽ, ബിജു പുറത്തോടൻ, ജീനാ ചെറിയാൻ, ഐസക് ടി. മാത്യു, സി.ടി.തോമസ് എന്നിവർ നേതൃത്വം നൽകി. ചൈതന്യ കണ്ണാശുപത്രി, ജോർജ് മാത്തൻ മിഷൻ ആശുപത്രി എന്നിവിടങ്ങളിലെ ഡോക്ടർമാർ രോഗികളെ പരിശോധിച്ച് മരുന്നുകൾ നൽകി.
