കോന്നി : മതിയായി ഈ എം.എൽ.എ എന്ന മുദ്രാവാക്യവുമായി എന്.ഡി.എ കോന്നി നിയോജക മണ്ഡലം കമ്മറ്റിയുടെ നേതൃത്വത്തിൽ കോന്നി എം.എല്.എ അഡ്വ.കെ.യു ജനീഷ് കുമാറിന്റെ ഓഫീസിലേക്ക് മാർച്ച് നടത്തി. കോന്നി മണ്ഡലത്തിലെ വികസന മുരടിപ്പും കോന്നി മെഡിക്കല് കോളേജിലെ സര്ക്കാര് അനാസ്ഥയും ആരോപിച്ചായിരുന്നു മാര്ച്ച്. ഓഫീസിലേക്ക് തള്ളികയറാന് ശ്രമിച്ച പ്രവര്ത്തകരെ പോലീസ് തടഞ്ഞു. ബിജെപി സംസ്ഥാന സെക്രട്ടറി അഡ്വ.പന്തളം പ്രതാപൻ മാര്ച്ച് ഉത്ഘാടനം ചെയ്തു. ബി.ജെ.പി ജില്ലാ അധ്യക്ഷൻ അഡ്വ.വി.എ.സൂരജ് അധ്യക്ഷത വഹിച്ചു.
ബിജെപി ജില്ലാ വൈസ് പ്രസിഡന്റ് അഡ്വ.ഷൈൻ.ജി.കുറുപ്പ്, ജില്ലാ സെക്രട്ടറിമാരായ നിതിൻ ശിവ, മീന.എം.നായർ, ജില്ലാ സെൽ കോ കോർഡിനേറ്റർ വിജയകുമാർ, ബി.ജെ.പി കോന്നി മണ്ഡലം പ്രസിഡന്റ് രഞ്ജിത് മാളിയേക്കൽ, ചിറ്റാർ മണ്ഡലം പ്രസിഡന്റ് രഞ്ജിത് ഗോപാലകൃഷ്ണൻ, കോന്നി മണ്ഡലം ജനറൽ സെക്രട്ടറിമാരായ കെ.ആർ.രാകേഷ്, അനിൽ അമ്പാടി, ചിറ്റാർ മണ്ഡലം ജനറൽ സെക്രട്ടറിമാരായ സന്തോഷ്, അനിൽ കുമാർ എന്നിവർ സംസാരിച്ചു. തുടർന്ന് എം.എല്.എ ക്ക് എതിരെയുള്ള കുറ്റപത്രം ബിജെപി കോന്നി മണ്ഡലം പ്രസിഡന്റ് രഞ്ജിത് മാളിയേക്കൽ അവതരിപ്പിച്ചു.
