റാന്നി : എം.സി.സി.എം താലൂക്ക് ആശുപത്രിക്ക് “ഡോക്ടേഴ്സ് ഫോർ യു” നൽകുന്ന 1.5 കോടി രൂപയുടെ മെഡിക്കൽ ഉപകരണങ്ങളുടെ കൈമാറ്റചടങ്ങ് അഡ്വ.പ്രമോദ് നാരായണൻ എം.എല്‍.എ ഉദ്ഘാടനം ചെയ്തു. റാന്നി ബ്ലോക്ക് പഞ്ചായത്ത്‌ ആരോഗ്യ സ്റ്റാന്റിങ് കമ്മിറ്റി ചെയർമാൻ ജേക്കബ് സ്റ്റീഫന്‍ അദ്ധ്യക്ഷത വഹിച്ചു.”ഡോക്ടേഴ്സ് ഫോർ യു” പ്രതിനിധികളായ ജേക്കബ് ഉമ്മൻ, മിഥുൻ എന്നിവരെ ആദരിച്ചു. റാന്നി ഗ്രാമ പഞ്ചായത്ത്‌ പ്രസിഡന്റ്‌ ശോഭ ചാർളി, ജില്ലാ പഞ്ചായത്ത്‌ അഗം ജോർജ് എബ്രഹാം, റാന്നി ഗ്രാമപഞ്ചായത്ത് വൈസ് പ്രസിഡന്റ്‌ സിന്ധു സഞ്ചയൻ, റാന്നി ബ്ലോക്ക് പഞ്ചായത്ത്‌ അഗങ്ങളായ എം.എസ് സുജ, നയന സാബു, എച്ച്.എം.സി അംഗങ്ങളായ പി.ആർ പ്രസാദ്, രാജു മരുതിക്കൽ, സ്മിജു ജേക്കബ്, അനിയൻ കുഞ്ഞ്, ലാൽജി എബ്രഹാം, ആശുപത്രി സൂപ്രണ്ട് ഡോ.ലിൻഡ ജോസഫ്, ആർ.എം.ഒ ഡോ.വി.ആര്‍ വൈശാഖ് എന്നിവർ പ്രസംഗിച്ചു.
