കൊച്ചി : ലിംഗമാറ്റ ശസ്ത്രക്രിയാ പിഴവ് ആരോപിച്ച ട്രാന്സ് യുവതി അനന്യ കുമാരി അലക്സ് ജീവനൊടുക്കി. കഴിഞ്ഞ വര്ഷമാണ് അനന്യ ലിംഗമാറ്റ ശസ്ത്രക്രിയ ചെയ്തത്. എന്നാല് ശസ്ത്രക്രിയ കഴിഞ്ഞ് ഒരു വര്ഷം കഴിഞ്ഞിട്ടും തനിക്ക് ജോലി ചെയ്യാനാവുന്നില്ലെന്നായിരുന്നു ഇവരുടെ പരാതി. നിശ്ചിത സമയത്തില് കൂടുതല് എഴുന്നേറ്റുനില്ക്കാന് തനിക്ക് കഴിയുന്നില്ലെന്നും ശാരീരിക പ്രശ്നങ്ങള് ഏറെയുണ്ടെന്നും അവര് പറഞ്ഞിരുന്നു. ലിംഗമാറ്റ ശസ്ത്രക്രിയയില് ഡോക്ടര്ക്ക് പിഴവ് സംഭവിച്ചു എന്ന് അനന്യ അടുത്തിടെ ആരോപണം ഉയര്ത്തിയിരുന്നു.
കേരളത്തിലെ ആദ്യത്തെ ട്രാന്സ്ജെന്ഡര് റേഡിയോ ജോക്കി കൂടിയാണ് അനന്യ. കഴിഞ്ഞ നിയമസഭാ തെരഞ്ഞെടുപ്പില് ഡെമോക്രാറ്റിക് സോഷ്യല് ജസ്റ്റിസ് പാര്ട്ടിക്ക് വേണ്ടി വേങ്ങരയില് പി കെ കുഞ്ഞാലിക്കുട്ടിക്ക് എതിരെ മത്സരിക്കാന് തീരുമാനിച്ചിരുന്നു. പിന്നീട് ഇവര് സോഷ്യല് ജസ്റ്റിസ് പാര്ട്ടി നേതാക്കള് പീഡിപ്പിച്ചെന്നും അത് തട്ടിക്കൂട്ട് പാര്ട്ടി ആണെന്നും ആരോപിച്ച് തെരഞ്ഞെടുപ്പില് നിന്നും പിന്മാറുകയായിരുന്നു.
