കോന്നി : സ്വന്തമായി ഒരു തുണ്ട് ഭൂമിയും അതിൽ ഒരു വീടും എന്നതാണ് കോന്നി പുളിമുക്കിൽ ലോട്ടറി വിൽപ്പന നടത്തുന്ന തുഷാര ഭവൻ മീനുവിന്റെയും ഭർത്താവ് അശോക് കുമാറിന്റെയും ഏറ്റവും വലിയ ആഗ്രഹം. കൊല്ലം അഞ്ചൽ സ്വദേശികളായ ഇരുവരും ഒരു വർഷമായി കോന്നി പുളിമുക്കിൽ ആണ് താമസം. ചെറിയ പ്രായത്തിൽ കാലിലെ ഞരമ്പുകൾക്ക് രോഗം ബാധിച്ച് നടക്കുവാൻ കഴിയാത്ത ആളാണ് മീനു. ഭർത്താവിന്റെ സഹായമില്ലാതെ ഒന്നും ചെയ്യുവാനും മീനുവിന് കഴിയില്ല. മൂന്നാം ക്‌ളാസ് വിദ്യാർത്ഥിനി ആണ് മകൾ വൃന്ദ. ഒരു മാസത്തെ മീനുവിന്റെ ചികിത്സക്കായി പതിനെട്ടായിരം രൂപയോളം ചിലവ് വരും. ഹോമിയോ ചികിത്സ ആണ് നടത്തുന്നത്.
പണമില്ലാത്തതിനാൽ ചികിത്സയും മുടങ്ങിയ അവസ്ഥയിലാണ്. ഓപ്പറേഷൻ നടത്തിയാൽ നടക്കാൻ കഴിയുമെന്ന് ഡോക്ടർ പറയുന്നത്. മുപ്പത് ലക്ഷം രൂപ ചികിത്സ ചിലവാകും എന്നതിനാൽ ഓപറേഷൻ നടത്തുന്നതിനെ കുറിച്ച് ചിന്തിക്കാൻ പോലും പറ്റാത്ത സ്ഥിതിയാണ് ഉള്ളത്. നടക്കുവാൻ കഴിയാത്തമീനുവിനെ എടുത്താണ് വാഹനത്തിൽ കയറ്റുന്നതും ഇറക്കുന്നതും. അഞ്ചലിൽ താമസിക്കുമ്പോൾ ഇവർക്ക് ലൈഫ് മിഷനിൽ വീട് അനുവദിച്ചെങ്കിലും വീട് വെക്കാനുള്ള പണം ഒരു കരാറുകാരനെ ഏൽപ്പിക്കുകയും ഇയാൾ ആത്മഹത്യ ചെയ്തതോടെ വീട് നിർമ്മാണം മുടങ്ങുകയും ചെയ്തു. ഒരു വീടിനായി നിരവധി ഓഫിസുകൾ കയറി ഇറങ്ങിയെങ്കിലും യാതൊരു പ്രയോജനവും ഉണ്ടായില്ലെന്ന് ഇവർ പറയുന്നു. സ്വന്തമായി ഒരു തുണ്ട് ഭൂമിയും വീടും എന്ന സ്വപ്നം സാക്ഷാത്കരിക്കാൻ എത്രനാൾ കാത്തിരിക്കുമെന്ന ചോദ്യം മീനുവിനും അശോക് കുമാറിനും ഇനിയും ബാക്കിയാണ്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
