ടെക് ഭീമന് മെറ്റ വീണ്ടും ജീവനക്കാരെ വ്യാപകമായി പിരിച്ചിവിടുന്നു. ഫേസ്ബുക്ക്, വാട്സാപ്, ഇന്സ്റ്റാഗ്രാം, റിയാലിറ്റി ലാബ്സ് എന്നീ വിഭാഗങ്ങളില് നിന്നുള്ള 10,000 ജീവനക്കാരെ കൂടി പിടിച്ചുവിടാന് പോകുകയാണെന്ന് കമ്പനി തന്നെയാണ് അറിയിച്ചിരിക്കുന്നത്. ചെലവ് ചുരുക്കുന്നതിന്റെ ഭാഗമായാണ് നടപടി. ബുധനാഴ്ച പിരിച്ചുവിടല് പ്രഖ്യാപനം നടത്താന് തയ്യാറെടുക്കാനായി ഫേസ്ബുക്ക് മാതൃ കമ്പനി മാനേജര്മാരെ ഒരു മെമ്മോ മുഖേന അയച്ചു.
അതേസമയം മെറ്റ കഴിഞ്ഞ വര്ഷം നവംബറില് 11,000 ജീവനക്കാരെ പിരിച്ചുവിട്ടിരുന്നു. ഈ വര്ഷത്തെ ആദ്യ പാദത്തില് പുതിയ നിയമനങ്ങള് മരവിപ്പിച്ച മെറ്റ, റിക്രൂട്ടിങ്ങും നീട്ടിവെക്കുകയുണ്ടായി. പിരിച്ചുവിടല് നിരവധി ജീവനക്കാരെയും അവരുടെ കുടുംബങ്ങളെയും ബാധിക്കും. എങ്കിലും, കമ്പനിയുടെ ദീര്ഘകാല വിജയത്തിന് ഈ നീക്കം അനിവാര്യമാണെന്ന് സക്കര്ബര്ഗ് അറിയിച്ചു.
