ആലത്തൂര്‍: ഒന്നര ലക്ഷത്തോളം രൂപ വിലവരുന്ന ഇരുമ്പ് ഷീറ്റ് മോഷണം പോയ കേസിലെ മൂന്നാം പ്രതി അറസ്റ്റില്‍. മേലാര്‍ക്കോട് കടമ്പിടി പാഴിയോട് പുത്തന്‍തുറയില്‍ ആഷിഖിനെയാണ് (37) അറസ്റ്റ് ചെയ്തത്. ആലത്തൂര്‍ പോലീസ് ആണ് പ്രതിയെ പിടികൂടിയത്. മേയ് 16ന് പുലര്‍ച്ച രണ്ടോടെ പോലീസ് സ്റ്റേഷന്‍ പരിധിയിലെ മലക്കുളം കനാല്‍ റോഡിനടുത്താണ് മോഷണം നടന്നത്. ഈ കേസിലെ രണ്ട് പേരെ മൂന്ന് ദിവസം മുമ്പ്പിടികൂടി റിമാന്‍ഡ് ചെയ്തിരുന്നു. വണ്ടാഴി നെല്ലിക്കോട് രാജേഷ് (32), ചിറ്റിലഞ്ചേരി കടമ്പിടി പാഴിയോട്ടില്‍ സുബൈര്‍ (37) എന്നിവരാണ് നേരത്തേ പിടിയിലായവര്‍. ആലത്തൂര്‍ കോടതിയില്‍ ഹാജരാക്കിയ ഇയാളെ 15 ദിവസത്തേക്ക് റിമാന്‍ഡ് ചെയ്തു.
