തിരുവനന്തപുരം : ഗവേഷക വിദ്യാര്‍ഥിനിയുടെ പരാതിയില്‍ ആരോപണവിധേയനായ എം.ജി സര്‍വകലാശാല നാനോ സെന്റര്‍ ഡയറക്ടറെ മാറ്റി. പകരം ചുമതല വൈസ് ചാന്‍സലര്‍ സാബു തോമസിന്. സര്‍ക്കാര്‍ നിര്‍ദേശം പരിഗണിച്ചാണ് മാറ്റമെന്ന് വൈസ് ചാന്‍സലര്‍ അറിയിച്ചു. ഇന്നത്തെ സിന്‍ഡിക്കറ്റ് യോഗത്തിലാണ് തീരുമാനം. ജാതി വിവേചനം ആരോപിച്ച് ഗവേഷക സമരം ചെയ്യുന്ന സാഹചര്യത്തിലാണ് നടപടി. മന്ത്രി ആര്‍. ബിന്ദു ഇന്നു രാവിലെ ഗവേഷകയ്ക്ക് നീതി ഉറപ്പു നല്‍കി സമൂഹ മാധ്യമത്തില്‍ കുറിപ്പിട്ടിരുന്നു.
