ചെറുവത്തൂര്: പുഴയില് വല വീശുന്നതിനിടെ തോണിമറിഞ്ഞ് യുവാവ് മുങ്ങിമരിച്ചു. ഒപ്പമുണ്ടായിരുന്നയാള് രക്ഷപ്പെട്ടു. അച്ചാംതുരുത്തിഞ്ഞാറ് പടി കരുണാലയത്തില് പി.വി.സൂരജ് ( 28 ) ആണ് മരിച്ചത്. പിതൃസഹോദരിയുടെ മകന് കെ.മജീഷ് ( 35 ) രക്ഷപ്പെട്ടു. ഞായറാഴ്ച രാവിലെ ഒന്പതരയോടെക്ക് കാര്യങ്കോട് പുഴയില് അച്ചാംതുരുത്തി പടിഞ്ഞാറ് ഭാഗത്തായിരുന്നു അപകടം .
വലയെറിയുന്നതിനിടെ തോണി മറുഭാഗത്തെക്ക് മറിയുകയായിരുന്നു .കൂടെയുണ്ടായിന്ന മജീഷ് രക്ഷപ്പെടുത്താന് ശ്രമിച്ചെങ്കിലും കുത്തൊഴുക്കില് പിടിവിട്ടുപോയി . വിവരമറിഞ്ഞെത്തിയ ചന്തേര പോലീസും അഗ്നിരക്ഷാ സേനയും നാട്ടുകാരും രക്ഷാപ്രവര്ത്തനത്തിനിറങ്ങി. മൂന്നരമണിക്കൂര് നീണ്ട തിരച്ചിലിനൊടുവില് രണ്ടുകിലോമീറ്റര് അകലെ ഓര്ക്കുളം ഭാഗത്ത് മൃതദേഹം കണ്ടെത്തി .അച്ചാംതുരുത്തി പടിഞ്ഞാറെ കെ.കരുണാകരന്റെയും ( കുവൈത്ത് ) പത്ര വളപ്പില് സുശീലയുടെയും മകനാണ് . ഭാര്യ : ശ്രുതി ( നീലേശ്വരം മൂലപ്പള്ളി ) . മകള് : ശ്രീദക്ഷ .
