പത്തനംതിട്ട : മിനി സിവില്സ്റ്റേഷനിലെ വാതില് കടന്ന് വലതുവശത്തായി തുരുമ്പെടുത്ത് കിടക്കുന്ന കുറേവാഹനങ്ങള് കാണാം. അതില് റവന്യൂ, പൊതുവിതരണം, നഗരാസൂത്രണം എന്ന് എഴുതിയിട്ടുണ്ട്. തുടര്ന്ന് നേരേ കോടതിക്കടുത്തേക്ക് പോയപ്പോള് അവിടെയും കാണാം ഒരു വാഹനം. അതിനു അത്ര അത്ര പഴക്കമില്ല. ബോര്ഡില് ജി.എസ്.ടി.വകുപ്പ് എന്ന് കാണാം.
കുറേ വര്ഷങ്ങളായി പത്തനംതിട്ട മിനി സിവില്സ്റ്റേഷന് വളപ്പില് കിടക്കുന്ന സര്ക്കാരിന്റെ ഔദ്യോഗിക വാഹനങ്ങളാണിവയെല്ലാം. ലേലംചെയ്ത് പരിഹാരം കാണാമെന്നിരിക്കെയാണ് വാഹനങ്ങള് ഇങ്ങനെ കിടന്ന് നശിക്കുന്നത്. ഈ വാഹനങ്ങള്ക്ക് പകരം പുതിയ വാഹനങ്ങള് എത്തിയതോടെ ഇത് ഉപേക്ഷിച്ചതാണെന്നാണ് ലഭിച്ച അനൗദ്യോഗിക വിവരം.
തുരുമ്പെടുത്ത വാഹനങ്ങള് കാരണം മറ്റ് വാഹനങ്ങള് പാര്ക്ക് ചെയ്യേണ്ട സ്ഥലം ഇല്ലാതായിരിക്കുകയാണ്. കോടതികളടക്കം നിരവധി സര്ക്കാര് ഓഫീസുകള് പ്രവര്ത്തിക്കുന്ന ഇടമാണ് മിനി സിവില്സ്റ്റേഷന്. ജീവനക്കാര് വിവിധ ആവശ്യങ്ങള്ക്കായി നിരവധി ആളുകളും എത്തുന്ന ഇടംകൂടിയാണിത്. ജീവനക്കാര്ക്ക് പോലും വാഹനങ്ങള് പാര്ക്കു ചെയ്യാന് ബുദ്ധിമുട്ട് നേരിടുന്ന സാഹചര്യത്തിലാണ് ഈ വാഹനങ്ങള് ഉപയോഗമില്ലാതെ തുരുമ്പെടുത്ത് ഇവിടെ കിടക്കുന്നത്.
