കൊല്ലം : മിനിലോറിയും സ്വകാര്യ ബസും കൂട്ടിയിടിച്ച് ഒരാള് മരിച്ചു. ലോറി ഡ്രൈവര് കളമശേരി സ്വദേശി പുഷ്പനാണ് മരിച്ചത്. ഒപ്പമുണ്ടായിരുന്ന ക്ലീനറെ ഗുരുതര പരിക്കുകളോടെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു. ദേശീയപാതയില് ശക്തികുളങ്ങരയ്ക്ക് സമീപം ആണ് അപകടമുണ്ടായത്. ബസ് യാത്രികരായ 19 പേര്ക്ക് പരിക്കേറ്റു. എന്നാല് ആരുടെയും സ്ഥിതി ഗുരുതരമല്ലെന്നാണ് ലഭിക്കുന്ന വിവരം. അമിതവേഗത്തിലെത്തിയ ബസ് തിരുവനന്തപുരം ഭാഗത്തേക്ക് പോയ ലോറിയില് ഇടിച്ചുകയറിയാണ് അപകടം സംഭവിച്ചത്. ഇടിയുടെ ആഘാതത്തില് ലോറി കുറച്ചു മീറ്ററുകളോളം പിന്നോട്ടുരുണ്ട് രണ്ടു ബൈക്കുകളിലും ഇടിച്ചു. ബൈക്ക് യാത്രികര്ക്കും സാരമായ പരിക്കേറ്റു. അപകടത്തെ തുടര്ന്ന് ദേശീയപാതയില് അരമണിക്കൂറോളം ഗതാഗതം തടസപ്പെട്ടു. തുടര്ന്ന് പോലീസ് സ്ഥലത്തെത്തി അപകടത്തില്പെട്ട വാഹനങ്ങള് മാറ്റിയാണ് ഗതാഗത തടസം നീക്കിയത്.
