തിരുവനന്തപുരം : മത്സ്യത്തൊഴിലാളികളെ കാണാതായ സംഭവത്തില് ഇന്ന് ഉന്നത ഉദ്യോഗസ്ഥരുടെ യോഗം വിളിച്ച് ഫിഷറീസ് മന്ത്രി. വിഷയത്തിലെ അടിയന്തര പ്രശ്ന പരിഹാരം ചര്ച്ചയാവും. തിരുവനന്തപുരം, കൊല്ലം ജില്ലകളില് നിന്ന് കാണാതായ മത്സ്യത്തൊഴിലാളികള്ക്കായുള്ള പത്താംദിനത്തെ തിരച്ചിലിലും നിരാശയാണ് ഫലം. ഇന്ന് 11 മണിക്ക് മന്ത്രിയുടെ ചേമ്പറില് ആണ് യോഗം. യോഗത്തിനുശേഷം മുഖ്യമന്ത്രിയുമായി മന്ത്രി കൂടിക്കാഴ്ച നടത്തും. യോഗത്തിലെ തീരുമാനങ്ങള് മുഖ്യമന്ത്രിയെ അറിയിക്കും. സര്ക്കാരിന് ചെയ്യാന് കഴിയുന്നതിന്റെ പരമാവധി ചെയ്യുമെന്ന് നീണ്ടകരയിലെ ഗൗതമിന്റെ വീട് സന്ദര്ശിച്ച ആഭ്യന്തരമന്ത്രി രമേശ് ചെന്നിത്തല പറഞ്ഞു.
‘കോസ്റ്റ് ഗാര്ഡ് ഐജിയുമായിട്ട് സംസാരിച്ചു. തിരച്ചില് സജീവമായി തുടരും. കോസ്റ്റല് പോലീസിന് ഉള്ളത് പരിമിതമായ സൗകര്യങ്ങളാണ്. എല്ലാം പരിഹരിക്കപ്പെടും. സര്ക്കാരിന് ചെയ്യാന് കഴിയുന്നതിന്റെ പരമാവധി ചെയ്യും. കുടുംബത്തിനുള്ള സഹായവുമായി ബന്ധപ്പെട്ട് മന്ത്രിസഭാ യോഗത്തില് തീരുമാനമുണ്ടാകും. മണ്ഡലത്തിലെഎംഎല്എയുമായി സംസാരിച്ചിട്ടുണ്ട്’ – അദ്ദേഹം പറഞ്ഞു.
