തിരുവനന്തപുരം: മധ്യവര്ഗ വരുമാന രാജ്യങ്ങളുടെ നിരയിലേക്ക് കേരളത്തെ ഉയര്ത്തുകയാണ് അടുത്ത ലക്ഷ്യമെന്നും ഇതില് കുടുംബശ്രീക്ക് നിര്ണായക പങ്കു വഹിക്കാനാവുമെന്നും മന്ത്രി എം.ബി രാജേഷ്. കുടുംബശ്രീ, ദേശീയ ഗ്രാമീണ ഉപജീവന ദൗത്യം എന്നിവയുടെ സംയുക്താഭിമുഖ്യത്തില് ഹോട്ടല് ഹൈസിന്തില് സംഘടിപ്പിക്കുന്ന റൂറല് എന്റര്പ്രൈസ് ഇന്ക്യുബേറ്റര് -ത്രിദിന ദേശീയ ശില്പശാലയുടെ ഉദ്ഘാടനം നിര്വഹിച്ചു സംസാരിക്കുകയായിരുന്നു മന്ത്രി. കുടുംബശ്രീ മുഖേന സംസ്ഥാനത്ത് നടപ്പാക്കുന്ന സ്റ്റാര്ട്ടപ് വില്ലേജ് എന്റര്പ്രണര്ഷിപ് പ്രോഗ്രാം അംബ്രല്ല പദ്ധതിയുടെ കീഴില് വരുന്ന സംരംഭകത്വ വികസന പദ്ധതികളില് ഉള്പ്പെട്ട ഒരു ഉപപദ്ധതിയാണ് ഇന്ക്യുബേറ്റര്.
ഇന്ത്യയില് കേരളത്തില് മാത്രമാണ് നിലവില് ഇന്ക്യുബേറ്റര് പദ്ധതി നടപ്പാക്കുന്നത്. വിപണിയില് വിജയിക്കാന് പ്രയാസം നേരിടുന്ന ഉല്പാദന സേവന മേഖലകളിലെ സംരംഭങ്ങള്ക്ക് ഇന്ക്യുബേറ്റര് പദ്ധതി വഴി ആവശ്യമായ പിന്തുണകള് ലഭ്യമാക്കും. ഇങ്ങനെ ഓരോ കാലഘട്ടത്തിലും നേരിടുന്ന വെല്ലുവിളികളെ അഭിമുഖീകരിച്ചു കൊണ്ട് സ്വയം ആധുനികവല്ക്കരിച്ചു കൊണ്ടാണ് കുടുംബശ്രീയുടെ പ്രവര്ത്തനങ്ങളെന്നും മന്ത്രി പറഞ്ഞു.
