തിരുവനന്തപുരം : സംസ്ഥാനത്ത് കോളേജുകള് തുറക്കാനുള്ള ക്രമീകരണം തുടങ്ങിയെന്ന് സംസ്ഥാന ഉന്നത വിദ്യാഭ്യാസ മന്ത്രി ഡോ.ആര്.ബിന്ദു. രണ്ടു ദിവസത്തിനകം യോഗം ചേര്ന്നു പുരോഗതി വിലയിരുത്തും. വാക്സിനേഷന് ക്രമീകരണത്തിന് സ്ഥാപന മേധാവികള്ക്ക് നിര്ദേശം നല്കി.
ഒക്ടോബര് 18ന് മുഴുവന് ക്ലാസുകളും തുറക്കുന്ന കാര്യത്തിലെ തീരുമാനം പരിശോധിച്ച് മാത്രമേ എടുക്കുവെന്നും മന്ത്രി അറിയിച്ചു. ഒക്ടോബര് 4-ന് അവസാന വര്ഷ വിദ്യാര്ത്ഥികള് ആദ്യം കോളേജില് എത്തിയ ശേഷം പരിശോധിക്കും. കോളേജുകളില് 90 ശതമാനം വിദ്യാര്ത്ഥികള്ക്കും വാക്സിനേഷന് പൂര്ത്തിയായെന്ന് മനസിലാക്കുന്നുവെന്നും മന്ത്രി കൂട്ടിച്ചേര്ത്തു.
