തിരുവനന്തപുരം : ദേശീയപാത നിര്മാണത്തിലെ അപാകത വിജിലന്സ് അന്വേഷിക്കണമെന്ന എ.എം.ആരിഫ് എം.പിയുടെ ആവശ്യം തള്ളി മന്ത്രി സജി ചെറിയാന്. ആരിഫിന്റെ ആവശ്യപ്രകാരം സുധാകരന്റെ കാലത്ത് വിജിലന്സ് അന്വേഷിച്ചതാണെന്ന് സജി ചെറിയാന് വ്യക്തമാക്കി. എന്നാല്, ദേശീയപാത നിര്മാണത്തിലെ അപാകത പരിഹരിക്കാനാണ് പരാതി നല്കിയതെന്ന് എ.എം ആരിഫ് എംപി പ്രതികരിച്ചു. ഏത് തരത്തിലുളള അന്വേഷണം വേണമെന്ന് പൊതുമരാമത്ത് മന്ത്രിക്ക് തീരുമാനിക്കാം. മന്ത്രി സജി ചെറിയാന് പറഞ്ഞതിനെ എതിര്ക്കുന്നില്ല. തന്റെ നിലപാട് പാര്ട്ടിക്ക് പരിശോധിക്കാമെന്നും ആരിഫ് പറഞ്ഞു.
