തിരുവനന്തപുരം : സഹകരണ വകുപ്പ് മന്ത്രി വി.എൻ വാസവന്റെ പ്രൈവറ്റ് സെക്രട്ടറിയെ മാറ്റി. ജോർജ് മാത്യുവിനെയാണ് പ്രൈവറ്റ് സെക്രട്ടറി സ്ഥാനത്ത് നിന്ന് മാറ്റിയത്. മന്ത്രിയുടെ ആവശ്യപ്രകാരമാണ് പ്രൈവറ്റ് സെക്രട്ടറിയെ മാറ്റിയതെന്ന് സൂചന. സംഘടനാ ചുമതലയിലേക്ക് മടങ്ങിയെത്താനാണ് ഈ ഒരു നീക്കമെന്നാണ് ഔദ്യോഗിക വിശദീകരണം. സി.പി.ഐ.എം കൊല്ലം ജില്ലാ സെക്രട്ടേറിയറ്റ് അംഗമാണ് ജോർജ് മാത്യു. പ്രൈവറ്റ് സെക്രട്ടറിയുടെ ചുമതല അഡിഷണൽ പ്രൈവറ്റ് സെക്രട്ടറി മാത്തുക്കുട്ടിക്കാണ്.
