തൃപ്രയാര് : വളര്ത്തു പട്ടി കടിച്ച് പേ വിഷബാധയേറ്റ് രണ്ടാം ക്ലാസ് വിദ്യാര്ഥി മരിച്ചു. വലപ്പാട് ബീച്ച് കിഴക്കന് വീട്ടില് ദിനേഷിന്റെയും ചിത്രയുടെയും ഏക മകന് ആകര്ഷ് (എട്ട്) ആണ് മരിച്ചത്. വലപ്പാട് ബീച്ച് ജി.ഡി.എം.എല്.പി സ്കൂള് വിദ്യാര്ഥിയാണ്. കഴിഞ്ഞ മാസം 20ന് വീട്ടിലെ വളര്ത്തു പട്ടി ആകര്ഷിന്റെ കൈവിരലില് കടിച്ചിരുന്നു. നിസാര മുറിവായതിനാല് വീട്ടുകാര് കാര്യമാക്കിയില്ല. ഇതേ പട്ടി മറ്റു രണ്ടു കുട്ടികളെയും കടിച്ചിരുന്നു. അവര് ചികിത്സ തേടുകയും ചെയ്തിരുന്നു.
മൂന്നാഴ്ച മുമ്പ് പട്ടി ചത്തു. നാല് ദിവസം മുമ്പ് പനി തുടങ്ങിയ കുട്ടിയെ വലപ്പാട് സി.എച്ച്.സി.യിലും സ്വകാര്യ ക്ലിനിക്കിലും പ്രവേശിപ്പിച്ചു. അവിടെനിന്ന് തൃശൂര് മെഡിക്കല് കോളജ് ആശുപത്രിയിലേക്കും മാറ്റി. അതിനകം പേവിഷം ശരീരത്തെ കീഴ്പ്പെടുത്തിയിരുന്നതിനാല് രക്ഷിക്കാനായില്ല. തിങ്കളാഴ്ച രാവിലെ ഒമ്പതോടെയാണ് മരിച്ചത്. പട്ടി കടിച്ച് ഒരു മാസമെത്തിയ ദിവസമാണ് മരണം.
