ലഖ്നൗ: പ്രായപൂര്‍ത്തിയാകാത്ത ദലിത് സഹോരിമാരെ കൊലപ്പെടുത്തി കുളത്തില്‍ കുഴിച്ചുമുടിയ നിലയില്‍ കണ്ടെത്തി. ഉത്തര്‍ പ്രദേശിലെ അസോദര്‍ പ്രദേശത്തെ ഗ്രാമത്തിലാണ് സംഭവമെന്ന് ഇന്ത്യന്‍ എക്സ്പ്രസ് റിപ്പോര്‍ട്ട് ചെയ്തു.
കണ്ണില്‍ പരിക്കേറ്റ പാടുകളോടെയുള്ള മൃതദേഹം തിങ്കളാഴ്ച വൈകീട്ടോടെയാണ് കണ്ടെടുത്തത്. 12 കാരിയായ സുമി, എട്ടുവയസ്സുള്ള കിരണ്‍ എന്നിവരാണ് കൊല്ലപ്പെട്ടത്. രണ്ട് മൃതദേഹത്തിനും കണ്ണില്‍ പരിക്കുണ്ട്.
പച്ചക്കറി പറിക്കാനായി ഉച്ചയോടെ വീട്ടില്‍ നിന്നിറങ്ങിയതായിരുന്നു പെണ്‍കുട്ടികള്‍. ബലാത്സംഗ ശ്രമത്തിനിടെയാണ് പെണ്‍കുട്ടികള്‍ കൊല്ലപ്പെട്ടതെന്ന് ബന്ധുക്കള്‍ ആരോപിച്ചു. മൃതദേഹങ്ങള്‍ പോസ്റ്റ്മോര്‍ട്ടത്തിനയച്ചിട്ടുണ്ട്.
