കല്പറ്റ: ചികിത്സക്കെത്തിയ പെണ്കുട്ടിയോട് മോശമായി പെരുമാറിയ ഡോക്ടര്ക്കെതിരെ കേസ്. കല്പറ്റ ജനറല് ആശുപത്രിയിലെ മനോരോഗ വിദഗ്ധനും ലഹരിമോചന ചികിത്സകേന്ദ്രത്തിന്റെ തലവനുമായ ഡോ. ജോസ്റ്റിന് ഫ്രാന്സിസിനെതിരെയാണ് കേസെടുത്തത്.
കല്പറ്റ സ്വദേശിയായ പതിനെട്ടുകാരി നല്കിയ പരാതിയിലാണ് നടപടി. കല്പറ്റ പുതിയ ബസ്സ്റ്റാന്ഡിനു സമീപം ഡോക്ടര് നടത്തുന്ന സ്വകാര്യ ക്ലിനിക്കില് വിഷാദരോഗത്തിനാണ് പെണ്കുട്ടി ചികിത്സ തേടിയിരുന്നത്. വെള്ളിയാഴ്ച വൈകിട്ട് ക്ലിനിക്കിലെത്തിയപ്പോഴാണ് മോശമായി പെരുമാറിയത്. പരാതിയുടെ അടിസ്ഥാനത്തില് ഡോക്ടര്ക്കെതിരെ ജാമ്യമില്ല വകുപ്പ് പ്രകാരം കല്പറ്റ പോലീസ് കേസെടുത്തു. ഡോക്ടര് ഒളിവിലാണ്. അതേസമയം പെണ്കുട്ടിയുടെ പരാതിയില് കേസെടുക്കാന് വൈകിയതായും ആരോപണമുണ്ട്.
