വയനാട്: അമ്പലവയല് മഞ്ഞപ്പാറയിലെ ക്വാറിക്കുളത്തില് യുവാവിന്റെ മൃതദേഹം കണ്ടെത്തി. ആണ്ടൂര് കരളിക്കുന്ന് സ്വദേശി അരുണ് കുമാറാണ് മരിച്ചത്. രാത്രി മുതല് ഇയാളെ വീട്ടില് നിന്ന് കാണാതായിരുന്നു. തുടര്ന്ന്, നടത്തിയ തിരച്ചിലില് മഞ്ഞപ്പാറ ക്വാറിക്കുളത്തിനു സമീപത്തു നിന്നും അരുണിന്റെ ബൈക്ക് കണ്ടെത്തിയത്. ഇതിന് പിന്നാലെ ക്വാറികുളത്തില് ഫയര് ഫോഴ്സ് തിരച്ചില് നടത്തുകയായിരുന്നു. സ്വകാര്യ ഫിനാന്സ് സ്ഥാപനത്തില് ജോലി ചെയ്യുന്ന അരുണ് കുമാര് ആത്മഹത്യ ചെയ്തതാണെന്നാണ് നിഗമനം. സംഭവത്തില്, അമ്പലവയല് പോലീസ് അന്വേഷണം തുടങ്ങി. മൃതദേഹം പോലീസ് നടപടികള്ക്ക് ശേഷം പോസ്റ്റ്മോര്ട്ടത്തിനായി ആശുപത്രി മോര്ച്ചറിയിലേക്ക് മാറ്റി.
