കണ്ണൂര്: ആറളം കീഴ്പ്പള്ളിയില് യുവതിയെയും രണ്ട് മക്കളെയും കാണാനില്ലെന്ന് പരാതി. അത്തിക്കലിലെ സജി കുന്നത്തിന്റെ ഭാര്യ സിനി, മക്കളായ ഏഴും പത്തും വയസുള്ള എബേല്, എയ്ഞ്ചല് എന്നിവരെയാണ് കാണാതായത്. ജൂലായ് ഒന്പത് മുതല് ഭാര്യയെയും മക്കളെയും കാണാനില്ലെന്ന് കാണിച്ച് സജി ആറളം പോലീസില് പരാതി നല്കി. പരാതിയുടെ അടിസ്ഥാനത്തില് പോലീസ് എഫ് ഐ ആര് രജിസ്റ്റര് ചെയ്ത് അന്വേഷണം ആരംഭിച്ചു. അന്വേഷണം നടക്കുകയാണെന്നും എന്തെങ്കിലും വിവരം ലഭിക്കുന്നവര് തൊട്ടടുത്ത പോലീസ് സ്റ്റേഷനില് അറിയിക്കണമെന്നും ആറളം പോലീസ് പറഞ്ഞു.
