ആലപ്പുഴ : ആലപ്പുഴയില്‍ കഴിഞ്ഞ ദിവസം വീട്ടില്‍ നിന്ന് കാണാതായ വൃദ്ധനെ വിഷം കഴിച്ചു മരിച്ച നിലയില്‍ കണ്ടെത്തി. തത്തംപളളി കുറശേരി വീട്ടില്‍ തങ്കപ്പന്‍ (68)നാണ് മരിച്ചത്‌. മൃതദേഹം കണ്ടെത്തിയത് പുന്നമടയ്ക്ക് സമീപം ആളൊഴിഞ്ഞ കെട്ടിടത്തിനുള്ളില്‍ നിന്നുമാണ്.
കഴിഞ്ഞ ദിവസം വീട്ടുകാര്‍ ഇയാളെ കാണാനില്ലെന്ന് കാണിച്ച്‌ നോര്‍ത്ത് പോലീസില്‍ പരാതി നല്‍കിയിരുന്നു. തുടര്‍ന്ന് പോലീസ് നടത്തിയ അന്വേഷണത്തിലാണ് തങ്കപ്പനെ മരിച്ച നിലയില്‍ കണ്ടെത്തിയത്. മൃതദേഹത്തിന് ഒരു ദിവസത്തെ പഴക്കമുണ്ട്. കഴിഞ്ഞ രണ്ട് വര്‍ഷമായി കാന്‍സര്‍ രോഗിയായ തങ്കപ്പന്‍ ചികിത്സയിലായിരുന്നു. ഇതേ തുടര്‍ന്നുണ്ടായ മനോവിഷമമാണ് ആത്മഹത്യ ചെയ്യാന്‍ കാരണം എന്നും പോലീസ് പറയുന്നു.
