തിരുവനന്തപുരം : രാഹുല് ഗാന്ധി നയിക്കുന്ന ‘ഭാരത് ജോഡോ യാത്ര’യ്ക്കിടെ പാര്ട്ടിയുടെ അദ്ധ്യക്ഷനെ തീരുമാനിക്കാനാകാതെ വിഷമിക്കുന്ന കോണ്ഗ്രസിന്റെ അവസ്ഥയെയും രാഹുലിനെയും ട്രോളി മുതിര്ന്ന സിപിഎം നേതാവ് എം.എം മണി. ഇടത്തും വലതും ഇരിക്കുന്ന ഈ മൊതലുകളെ (തൈരും വെങ്കായവും) ഒരുമിപ്പിക്കാൻ പറ്റാത്ത കക്ഷിയാണ് ഭാരതത്തിലെ ജനങ്ങളെയാകെ ഒരുമിപ്പിക്കാൻ നടക്കുന്നതെന്ന് എം.എം മണി പരിഹസിച്ചു. അശോക് ഗെലോട്ടിന്റെയും സച്ചിൻ പൈലറ്റിന്റെയും നടുവിലിരിക്കുന്ന രാഹുൽ ഗാന്ധിയുടെ ചിത്രം സമൂഹമാധ്യമത്തിൽ പങ്കുവെച്ചുകൊണ്ടായിരുന്നു അദ്ദേഹത്തിന്റെ പരിഹാസം. കോൺഗ്രസ് ഭരിക്കുന്ന രാജസ്ഥാനിൽ രണ്ട് കോൺഗ്രസ് നേതാക്കളെ ഒരുമിപ്പിക്കാൻ കഴിയാത്ത രാഹുൽ ഗാന്ധിയാണോ രാജ്യത്തെ മുഴുവൻ ജനങ്ങളെയും ഒരുമിപ്പിക്കാൻ കേരളത്തിലൂടെ ഉണ്ടംപൊരിയും തിന്ന് നടക്കുന്നത്..?’, അദ്ദേഹം ഫെയ്സ്ബുക്ക് കുറിപ്പിൽ പരിഹസിച്ചു.
