തളിപ്പറമ്പ് : എസ്എഫ്ഐ പ്രവര്ത്തകന് ധീരജിന്റെ കൊലപാതകികള്ക്കെതിരെ നിയമത്തിന്റെ വഴിയില് സാധ്യമായതെല്ലാം ചെയ്യുമെന്ന് സിപിഐ എം സംസ്ഥാന കമ്മിറ്റിയംഗം എം എം മണി എംഎല്എ. ധീരജിന്റെ തൃച്ചംബരത്തെ വീട്ടിലെത്തി കുടുംബാംഗങ്ങളോട് സംസാരിക്കുകയായിരുന്നു അദ്ദേഹം. രാജ്യത്തിന്റെ ഇന്നത്തെ സ്ഥിതിഗതികളെ യാഥാര്ഥ്യബോധത്തോടെ കാണുന്നതുകൊണ്ടാണ് കെ വി തോമസ് സിപിഐ എം പാര്ട്ടി കോണ്ഗ്രസ് സെമിനാറില് പങ്കെടുക്കാനെത്തുന്നതെന്നും അദ്ദേഹം പറഞ്ഞു.
കെ വി തോമസിനെതിരെ കെ സുധാകരന് കണ്ണുരുട്ടിയിട്ട് ഒരുകാര്യവുമില്ല. ധീരജിന്റെ കൊലപാതകത്തെക്കുറിച്ച് സുധാകരന്റെ പരാമര്ശങ്ങള് അയാളുടെ സംസ്കാരമാണെന്നും മണി പറഞ്ഞു. സംസ്ഥാന സെക്രട്ടറിയറ്റംഗം കെ കെ ജയചന്ദ്രന്, സംസ്ഥാന കമ്മിറ്റിയംഗം കെ പി മേരി, ഇടുക്കി ജില്ലാ സെക്രട്ടറി സി വി വര്ഗീസ്, സെക്രട്ടറിയറ്റംഗങ്ങളായ കെ എസ് മോഹനന്, വി എന് മോഹനന്, വി വി മത്തായി എന്നിവരും കൂടെയുണ്ടായി.
