കൊച്ചി: പ്രായമൊരു ഘടകമായി തോന്നിയിട്ടില്ല. ഓരോരുത്തര്ക്കും സൗകര്യത്തിന് ഓരോ മാനദണ്ഡമുണ്ടാക്കുന്നു. ഹൈക്കമാന്ഡിനെ ഭയന്നിട്ടാണ് കേരളത്തിലെ നേതാക്കള് തരൂരിനെ പിന്തുണയ്ക്കാത്തതെന്ന് കോണ്ഗ്രസ് നേതൃത്വത്തെ പരിഹസിച്ച് കെ.വി. തോമസ്. തലമുറമാറ്റമല്ല, തലമാറ്റം മാത്രമാണ് കോണ്ഗ്രസില് നടക്കാന് പോകുന്നത്. ‘തരൂര് നല്ല സ്ഥാനാര്ത്ഥിയാണ്. ഹൈക്കമാന്ഡും നെഹ്റു കുടുംബവും പിന്തുണയ്ക്കുന്നത് ഖാര്ഗെയെ ആണെന്ന് വെച്ചാല് അദ്ദേഹത്തിന്റെ കൂടെയെ വോട്ട് പോവുകയുള്ളൂ. എനിക്ക് സീറ്റ് നിഷേധിക്കുമ്പോള് 73 വയസ്സാണ്. അന്ന് 53 എം.പിമാര് ജയിച്ചവര് ഉണ്ട്. അതില് എനിക്ക് മാത്രമാണ് സീറ്റ് നിഷേധിച്ചത്. സീറ്റ് കൊടുത്തവരില് തന്നെ എന്നേക്കാള് പ്രായമുള്ളവരുണ്ട്. പ്രായമൊരു ഘടകമായി എനിക്ക് തോന്നിയിട്ടില്ല, പിന്നീടും ഓരോരുത്തര്ക്കും സൗകര്യത്തിന് ഓരോ മാനദണ്ഡമുണ്ടാക്കുന്നു.’- കെ.വി. തോമസ് അഭിപ്രായപ്പെട്ടു.
