കൊച്ചി : മുന് മിസ്സ് കേരള ജേതാക്കളായ രണ്ടു മോഡലുകള് വാഹനാപകടത്തില് മരിച്ച സംഭവത്തിലെ പ്രതികളില് ഒരാള് കൂടി കസ്റ്റഡിയില്. മുഖ്യപ്രതിയായ സൈജുവിന്റെ സംഘത്തിലെ അംഗമായ യുവതിയെ ആണ് പോലീസ് കസ്റ്റഡിയിലെടുത്തത്. അന്വേഷണം പുരോഗമിച്ചപ്പോൾ സൈജുവിനെ പോലീസ് അറസ്റ്റ് ചെയ്തതോടെ ഇവര് ഒളിവില് പോയിരുന്നു. അവസാനം, വടക്കന് ജില്ലകളിലൊന്നിലെ ഒളിത്താവളത്തില് നിന്നാണ് യുവതിയെ പോലീസ് പിടികൂടിയത്.
ബംഗളൂരുവില് നിന്നും സൈജുവിനു വേണ്ടി കൊച്ചിയില് ലഹരി മരുന്നെത്തിക്കുന്ന യുവതികളില് ഒരാളാണിത്. ഇവരോടൊപ്പം മറ്റൊരു പെണ്കുട്ടി കൂടി ഒളിവില് പോയിട്ടുണ്ട്. ഇവര് രണ്ടു പേരും ഒപ്പമുള്ള ലഹരി പാര്ട്ടിയുടെ ദൃശ്യങ്ങള് സഞ്ജുവിനെ മൊബൈല് ഫോണിലെ രഹസ്യ ഫോള്ഡറില് നിന്നും പോലീസ് കണ്ടെത്തിയിരുന്നു.
