ന്യൂഡല്ഹി : കയറ്റുമതിയില് രാജ്യം ചരിത്രനേട്ടം കൈവരിച്ചതായി പ്രധാനമന്ത്രി. നാലു സംസ്ഥാനങ്ങളിലെ തെരഞ്ഞെടുപ്പു വിജയത്തിനു ശേഷമുള്ള ആദ്യത്തെ മന് കി ബാത്തില് രാജ്യത്തിന്റെ ചരിത്ര നേട്ടത്തിനു പിന്നില് പ്രവര്ത്തിച്ച എല്ലാ ഇന്ത്യക്കാരെയും നരേന്ദ്ര മോദി അഭിനന്ദിച്ചു. 400 ബില്യണ് ഡോളര് കയറ്റുമതി എന്ന ലക്ഷ്യം രാജ്യം കൈവരിച്ചതായി പ്രധാനമന്ത്രി പ്രതിമാസ റേഡിയോ പ്രഭാഷണ പരിപാടിയായ മന് കി ബാത്തില് പറഞ്ഞു. കഴിഞ്ഞയാഴ്ച ഇന്ത്യ 400 ബില്യണ് ഡോളര്, അതായത് 30 ലക്ഷം കോടി രൂപയുടെ കയറ്റുമതി എന്ന ലക്ഷ്യം കൈവരിക്കുകയും ചെയ്തു.
