ഇളമണ്ണൂർ : ഏനാദിമംഗലം പഞ്ചായത്തിലെ ഇളമണ്ണൂർ പതിനാലാം വാർഡിൽ കുരങ്ങ് ശല്യം രൂക്ഷമാകുന്നു. കരിമന്തി വിഭാഗത്തിൽപ്പെട്ട കുരങ്ങാണ് പ്രദേശവാസികളെയും വളർത്തുമൃഗങ്ങളെയും ആക്രമിക്കുകയും കാർഷിക വിളകൾ നശിപ്പിക്കുകയും ചെയ്യുന്നത്. ഇളമണ്ണൂർ ക്ഷേത്രത്തിന് സമീപത്തെ കാടുപിടിച്ച ഭൂമിയിലാണ് കഴിഞ്ഞ കുറച്ചു ദിവസങ്ങളായി കുരങ്ങിനെ കാണുന്നത്. തെങ്ങിലെ കരിക്കും തേങ്ങയും ഉൾപ്പെടെയുള്ള കാർഷിക വിളകൾ കുരങ്ങ് നശിപ്പിക്കുന്നുണ്ട്. കൊച്ചുകുട്ടികൾ ഉൾപ്പെടെയുള്ള പ്രദേശം ആയതിനാൽ ആളുകൾ ഭീതിയോടെയാണ് ക്ഷേത്ര പരിസരത്തുകൂടി സഞ്ചരിക്കുന്നത്. സംഭവം വനപാലകരെ നിരവധി തവണ അറിയിച്ചിട്ടും യാതൊരു നടപടിയും ഉണ്ടായില്ലെന്ന് നാട്ടുകാർ പരാതിപ്പെടുന്നു. കുരങ്ങിനെ കെണിവെച്ച് പിടിച്ച് സ്ഥലത്ത് നിന്ന് മാറ്റിയാൽ മാത്രമേ പ്രശ്നത്തിന് ശാശ്വത പരിഹാരം കാണാൻ സാധിക്കൂ എന്നും പ്രദേശവാസികൾ ആവശ്യപ്പെട്ടു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
