മോന്‍സന്‍ കേസ് : അന്വേഷിക്കാനുറച്ച് ഇഡി ; ചോദ്യങ്ങൾക്ക് മറുപടി നൽകാതെ ക്രൈംബ്രാഞ്ച്

കൊച്ചി : വ്യാജ പുരാവസ്തു തട്ടിപ്പു കേസ് പ്രതി മോന്‍സന്‍ മാവുങ്കലിന്റെ സാമ്പത്തിക ഇടപാട് കേസുകള്‍ അന്വേഷിക്കാനുറച്ച് എൻഫോഴ്സ്മെന്റ് ഡയറക്ടറേറ്റ്. മൊഴി നല്‍കാന്‍ രേഖകളുമായി എത്തണമെന്ന് പരാതിക്കാരന്‍ യാക്കൂബിന് ഇഡി നോട്ടിസ് നല്‍കി. കേസിൽ ഇഡി ഇടപെടലിനു പിന്നില്‍ നിക്ഷിപ്ത താല്‍പര്യമെന്ന് സര്‍ക്കാര്‍ കഴിഞ്ഞ ദിവസം ഹൈക്കോടതിയിൽ വ്യക്തമാക്കിയിരുന്നു. മാത്രമല്ല മോന്‍സന്റെ ഇടപാടുകളെക്കുറിച്ചുള്ള ഇഡിയുടെ ചോദ്യങ്ങള്‍ക്ക് ക്രൈംബ്രാഞ്ചും മറുപടി നല്‍കിയില്ല. ഇതിനിടെയാണ് പരാതിക്കാരന് ഇഡി നോട്ടിസ് നൽകിയത്.