ചെന്നൈ : യാത്രക്കാരുടെ കുറവ് മൂലം കൂടുതല്‍ ട്രെയിനുകള്‍ റദ്ദാക്കി റെയില്‍വേ. ചെന്നൈ- ആലപ്പി എക്സ്‌ പ്രസ്സ് , എറണാകുളം – കാരയ്ക്കല്‍ എക്സ്‌ പ്രസ്സ്, മലബാര്‍ എക്സ്‌ പ്രസ്സ്, പുനലൂര്‍ – മധുര പാസഞ്ചര്‍ എന്നിവയാണു റദ്ദാക്കിയത്.
കഴിഞ്ഞ ദിവസം കൊച്ചുവേളി – മൈസൂര്‍ എക്സ്‌ പ്രസ്സ് , കൊച്ചുവേളി നിലമ്പൂര്‍ രാജ്യറാണി, അമൃത എക്സ്‌ പ്രസ്സ് എന്നിവ റദ്ദാക്കിയിരുന്നു. ഈ മാസം 15 മുതല്‍ ജൂണ്‍ ഒന്നു വരെയാണ് വിവിധ ട്രെയിനുകള്‍ റദ്ദാക്കിയത്.
ഇതിനു പുറമെ തിരുവനന്തപുരത്തുനിന്നു ചെന്നൈയിലേക്കുള്ള രണ്ടു സൂപ്പര്‍ഫാസ്റ്റ് ട്രെയിനുകള്‍, മംഗലാപുരം-ചെന്നൈ, എറണാകുളം-ലോകമാന്യതിലക്, കൊച്ചുവേളി-പോര്‍ബന്തര്‍, കൊച്ചുവേളി-ഇന്‍ഡോര്‍, വഞ്ചിനാട് എക്സ്‌ പ്രസ്സ്, എറണാകുളം-ഷൊര്‍ണൂര്‍, എറണാകുളം-ആലപ്പുഴ, ആലപ്പുഴ-കൊല്ലം, കണ്ണൂര്‍-ഷൊര്‍ണൂര്‍ തുടങ്ങിയ മെമു സര്‍വീസുകളും റദ്ദാക്കി. നേരത്തെ ദീര്‍ഘദൂര സര്‍വീസ് ഉള്‍പ്പെടെ കേരളത്തിലൂടെ ഓടുന്ന 44 ട്രെയിന്‍ സര്‍വീസുകള്‍ റദ്ദാക്കിയിരുന്നു. ഈ മാസം അവസാനം വരെയാണ് താല്‍ക്കാലിക റദ്ദാക്കല്‍.
