മഞ്ചേശ്വരം: പൊട്ടിവീണ വൈദ്യുതി കമ്പിയില്‍ നിന്ന് ഷോക്കേറ്റ് അമ്മയും കുഞ്ഞും മരിച്ചു. വോര്‍ക്കാടി ബോളന്തോടിയിലെ വിജയ (35), ആശ്രയ് (അഞ്ച്) എന്നിവരാണ് മരിച്ചത്.
വെള്ളിയാഴ്ച രാവിലെ പത്ത് മണിയോടെയാണ് സംഭവം. വീടിനടുത്തുള്ള വൈദ്യുതി കമ്പി പൊട്ടി വീണിരുന്നു. കളിച്ചുകൊണ്ടിരിക്കെ ആശ്രയ് കമ്പിയില്‍ പിടിക്കുകയും ഷോക്കേല്‍ക്കുകയുമായിരുന്നു. ഇത് കണ്ട് മകനെ രക്ഷപ്പെടുത്താനുള്ള ശ്രമത്തിനിടെ അമ്മയ്ക്കും ഷോക്കേറ്റു. രണ്ടുപേരും സംഭവസ്ഥലത്ത് തന്നെ മരണപ്പെട്ടു.
