തിരുവനന്തപുരം: തിരുവനന്തപുരത്ത് നവജാത ശിശുവിനെ വിറ്റ സംഭവത്തില് കുഞ്ഞിന്റെ യഥാര്ത്ഥ അമ്മ അറസ്റ്റിലായത് ഒളിവില് കഴിയവെ. മാരായമുട്ടത്തെ ഒരു വീട്ടില് ഒളിവില് കഴിയവെയാണ് കാഞ്ഞിരംകുളം സ്വദേശി അഞ്ജുവിനെ പിടികൂടിയത്. ഇവരുടെ ആണ്സുഹൃത്തിനെ ഇന്നലെ പോലീസ് അറസ്റ്റ് ചെയ്തിരുന്നു. ഇയാളെ ചോദ്യം ചെയ്തിലൂടെയാണ് അഞ്ജു മാരായമുട്ട ഒളിലില് കഴിയുകയാണെന്ന് മനസിലായത്. 37 വയസിനുള്ളില് ഏഴ് കുട്ടികളെ പ്രസവിച്ചുവെന്നാണ് ഇവര് പോലീസിന് നല്കിയ മൊഴി. ഇതില് രണ്ട് കുട്ടികള് ഇവരുടെ ആദ്യ ഭര്ത്താവിന്റെ കൂടെയും മൂന്ന് കുട്ടികള് ഇവരുടെ ഒപ്പവും ഒരു കുട്ടി മരിച്ചു പോവുകയും ഒരു കുട്ടിയെ വില്ക്കുകയും ചെയ്തുവെന്ന് ഇവര് പോലീസിന് മൊഴി നല്കിയിരിക്കുന്നത്. ഇതില് പോലീസ് വിശദമായി അന്വേഷിക്കും
തൈക്കാട് ആശുപത്രിയില് ജനിച്ച നാല് ദിവസം പ്രായമുള്ള കുഞ്ഞിനെ കരമന സ്വദേശിയായ സ്ത്രീക്കാണ് വിറ്റത്. കഴിഞ്ഞ ഏപ്രില് 21 നാണ് തൈക്കാട് അമ്മയും കുഞ്ഞും ആശുപത്രിയില് ജനിച്ച നവജാത ശിശുവിനെ പ്രസവിച്ചയുടനെ വില്പ്പന നടത്തിയതായുള്ള വിവരം പുറത്ത് വന്നത്. കുട്ടിയെ വിറ്റു എന്ന കുറ്റത്തിന് യുവതിയെ അറസ്റ്റ് ചെയ്ത് റിമാന്ഡ് ചെയ്യാനാണ് തീരുമാനം.
