പത്തനംതിട്ട : വാഹന നികുതിയും റോഡ് ടാക്സും സർക്കാരിലടച്ച് വാഹനം ഓടിച്ച് മാത്രം ഉപജീവനമാർഗ്ഗം നടത്തുന്ന മോട്ടോർ തൊഴിലാളികൾക്ക് സബ്സിഡി നിരക്കിൽ ഇന്ധനം നൽകുന്നതിന് സർക്കാർ പദ്ധതി ആവിഷ്കരിക്കണമെന്ന് മോട്ടോർ തൊഴിലാളി ഫെഡറേഷൻ( ഐഎൻടിയുസി ) സംസ്ഥാന പ്രസിഡന്റ് പി ടി പോൾ ആവശ്യപ്പെട്ടു. സ്ഥിരമായി ഉടമയല്ലാതെ വാഹനങ്ങൾ മാറി മാറി ഓടിച്ചു വരുന്ന തൊഴിലാളികൾക്ക് ഇപ്പോൾ ക്ഷേമനിധിയിൽ അംഗങ്ങൾ ആകുവാൻ സാധ്യമല്ല. ഇതിന് ആവശ്യമായ നിയമ ഭേദഗതി വരുത്തി ക്ഷേമനിധിയിൽ അംഗങ്ങൾ ആകുവാനുള്ള അവസരമുണ്ടാക്കണമെന്നും സംസ്ഥാന മോട്ടോർ ക്ഷേമനിധി ഡയറക്ടർ ബോർഡ് അംഗം കൂടിയായ പി ടി പോൾ ആവശ്യപ്പെട്ടു. പത്തനംതിട്ടയിൽ മോട്ടോർ തൊഴിലാളി ഫെഡറേഷൻ( ഐഎൻടിയുസി ) ജില്ലാ നേതൃത്വ ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മോട്ടോർ ഫെഡറേഷൻ ( ഐഎൻടിയുസി ) ജില്ലാ പ്രസിഡണ്ട് എ ഡി ജോൺ അധ്യക്ഷത വഹിച്ചു. ഐഎൻടിസി ജില്ലാ പ്രസിഡണ്ട് ജ്യോതിഷ് കുമാർ മലയാലപ്പുഴ മുഖ്യപ്രഭാഷണം നടത്തി. ഐഎൻടിയുസി നേതാക്കളായ പി കെ ഗോപി, ഹരികുമാർ പൂതങ്കര, തൊട്ടുവ മുരളി, പി കെ ഇഖ്ബാൽ, വി എൻ ജയകുമാർ, എം ആർ ശ്രീധരൻ, സജി കെ സൈമൺ, അജിത്ത് മണ്ണിൽ, എ ഫറൂഖ്, ഓമന സത്യൻ, ഫാത്തിമ ബീവി തുടങ്ങിയവർ സംസാരിച്ചു.
മീറ്റർ ഘടിപ്പിക്കുന്നുമായി ബന്ധപ്പെട്ടു തൊഴിലാളികൾക്ക് ഉണ്ടാകുന്ന ബുദ്ധിമുട്ടും കാലതാമസം പരിഹരിക്കണമെന്ന് ആവശ്യപ്പെട്ടുകൊണ്ട് കോന്നി ലീഗൽ മെട്രോളജി ഓഫീസിലേക്ക് മാർച്ചും ധർണയും നടത്തുവാൻ മോട്ടോർ തൊഴിലാളി ഫെഡറേഷൻ ജില്ലാ നേതൃത്വ ക്യാമ്പ് തീരുമാനിച്ചു. സമാപന സമ്മേളനം ഡിസിസി പ്രസിഡന്റ് പ്രൊഫ. സതീഷ് കൊച്ചു പറമ്പിൽ ഉദ്ഘാടനം ചെയ്തു. യോഗത്തിൽ ഡിസിസി വൈസ് പ്രസിഡണ്ട് എ സുരേഷ് കുമാർ, സി കെ അർജുനൻ, ജി ശ്രീകുമാർ, രാജേഷ് ചാത്തങ്കരി, മോഹൻകുമാർ കോന്നി, അംജിത്ത് അടൂർ, വല്ലാറ്റൂർ വാസുദേവൻ പിള്ള, സജി തോട്ടത്തിൽ മലയിൽ, ഷാജി വായ്പൂര്, കെ എൻ രാജൻ, പ്രസാദ് തുമ്പമൺ എന്നിവർ സംസാരിച്ചു.