ഇസ്ലാമാബാദ്: പാകിസ്ഥാന് മുന് പ്രധാനമന്ത്രി ഇമ്രാന് ഖാന്റെ മെഡിക്കല് പരിശോധനയില് മദ്യം, കൊക്കെയ്ന് സാന്നിധ്യം കണ്ടെത്തി. അഴിമതിക്കേസില് അറസ്റ്റിലായിരിക്കെ നടത്തിയ മെഡിക്കല് പരിശോധനയില് മദ്യത്തിന്റെയും കൊക്കെയ്നിന്റെയും ഉപയോഗം കണ്ടെത്തിയത്. അഞ്ച് ഡോക്ടര്മാരുടെ സമിതി തയ്യാറാക്കിയ മുന് പ്രധാനമന്ത്രിയുടെ മെഡിക്കല് റിപ്പോര്ട്ടിനെക്കുറിച്ച് ആരോഗ്യമന്ത്രി അബ്ദുള് ഖാദര് പട്ടേല് നടത്തിയ വാര്ത്താ സമ്മേളനത്തിലാണ് ഇക്കാര്യം വെളിപ്പെടുത്തിയത്. സ്ഥിരീകരിച്ചാല്, ഇതിനകം നൂറിലധികം കേസുകള് നേരിടുന്ന ഇമ്രാന് ഖാന് ഇതിലും തുടര് നിയമനടപടി നേരിടേണ്ടിവരും.
അല് ഖാദിര് ട്രസ്റ്റ് കേസില് അറസ്റ്റിലായ ഇമ്രാന് ഖാന്റെ മൂത്രസാമ്പിള് ഇസ്ലാമാബാദിലെ പാകിസ്ഥാന് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് നിന്ന് എടുത്തിരുന്നു. പ്രാഥമിക മെഡിക്കല് റിപ്പോര്ട്ടില് ‘മദ്യം, കൊക്കെയ്ന്’ തുടങ്ങിയ വിഷ രാസവസ്തുക്കളുടെ ഉപയോഗം കണ്ടെത്തിയതായി ആരോഗ്യമന്ത്രി പറഞ്ഞു.
