പത്തനംതിട്ട : സാമൂഹിക പ്രവർത്തക ഡോ.എം.എസ്.സുനിൽ ഭവനരഹിതർക്ക് പണിത് നൽകുന്ന ഇരുന്നൂറ്റി അഞ്ചാമത്തെ സ്നേഹ ഭവനം മരങ്ങാട്ടുപള്ളി കൊള്ളിയാംകുന്നേൽ ലീലയുടെ അഞ്ചംഗ കുടുംബത്തിന് പ്രവാസികളായ സഹോദരങ്ങളുടെ സഹായത്താൽ പണിതു നൽകി.
വീടിന്റെ താക്കോൽദാനം മോൻസ് ജോസഫ് എംഎൽഎ നിർവഹിച്ചു. വർഷങ്ങളായി സുരക്ഷിതമല്ലാത്ത സാഹചര്യത്തിൽ മൂന്നു കുട്ടികളും ഭർത്താവുമായി കഴിഞ്ഞിരുന്ന ഇവരുടെ അവസ്ഥ മനസ്സിലാക്കിയ സുനില് ടീച്ചർ മൂന്ന് മുറികളും ഹാളും അടുക്കളയും ശുചിമുറിയും സിറ്റൗട്ടും അടങ്ങിയ വീട് നിർമ്മിച്ചു നൽകുകയായിരുന്നു. ചടങ്ങിൽ ക്യാപ്റ്റൻ ഇമ്മാനുവൽ പ്രസാദ്, കെ.പി. ജയലാൽ, ജോൺ, അഭിജിത്ത് എന്നിവർ പങ്കെടുത്തു.
