തിരുവനന്തപുരം: സംസ്ഥാനത്ത് സിബിഐയെ വിലക്കാനുള്ള നീക്കത്തില് സര്ക്കാരിനെതിരെ കെപിസിസി അധ്യക്ഷന് മുല്ലപ്പള്ളി രാമചന്ദ്രന് രംഗത്ത് എത്തിയിരിക്കുന്നു. ഈ വിഷയവുമായി ബന്ധപ്പെട്ട് സിപിഎം അനാവശ്യമായി രാഹുല് ഗാന്ധിയുടെ പേര് വലിച്ചിഴക്കുന്നുവെന്ന് അദ്ദേഹം പറയുകയുണ്ടായി. അന്വേഷണ ഏജന്സികളെ രാഹുല് വിമര്ശിച്ചത് ഉത്തരേന്ത്യയിലെ കേസുകളിലാണ്. കേരളത്തിലേത് അഴിമതി കേസുകളാണെന്നും മുല്ലപ്പള്ളി രാമചന്ദ്രന് പറഞ്ഞു.
ദില്ലി സ്പെഷ്യല് പോലീസ് എസ്റ്റാബ്ലിഷ്മെന്റ് നിയമപ്രകാരമാണ് സിബിഐ കേസുകള് അന്വേഷിക്കുന്നത്. ഓരോ സംസ്ഥാനത്തും അന്വേഷണത്തിന് അതത് സംസ്ഥാനങ്ങളുടെ സമ്മതം സിബിഐയ്ക്ക് ആവശ്യമുണ്ട്. കേരളം ഉള്പ്പടെ മിക്ക സംസ്ഥാനങ്ങളും ഇതിനായി പൊതു അനുമതി മുന്കൂട്ടി നല്കിയിരിക്കുന്നതാണ്. ഇത് പിന്വലിക്കണമെന്ന് സിപിഎം ആവശ്യപ്പെടുന്നു. സിപിഐക്കും അനുകൂല അഭിപ്രായമായതിനാല് സര്ക്കാര് വിലക്കാനുള്ള ആലോചനകള് ആരംഭിച്ചു കഴിഞ്ഞു.
