ഇടുക്കി : മുല്ലപ്പെരിയാറില് ജലനിരപ്പില് നേരിയ കുറവ്. 138.95 അടിയില് നിന്ന് 138.85 അടിയിലേക്ക് താഴ്ന്നു. സ്പില്വേയിലെ ആറു ഷട്ടറുകള് തുറന്ന് വെള്ളം പുറത്തേക്ക് ഒഴുക്കിയിട്ടും അണക്കെട്ടിലെ ജലനിരപ്പ് നിലവിലെ റൂള് കര്വില് നിജപ്പെടുത്താന് തമിഴ്നാടിന് കഴിഞ്ഞിട്ടില്ല. സെക്കന്റില് 2974 ഘനയടി വെള്ളമാണ് സ്പില്വേയിലൂടെ ഇടുക്കിയിലേക്ക് ഒഴുക്കുന്നത്. 2340 ഘനയടി വീതം തമിഴ്നാട് കൊണ്ടു പോകുന്നുണ്ട്. ഇന്ന് രാത്രി വരെ പരമാവധി സംഭരിക്കാന് കഴിയുന്നത് 138 അടിയാണ്
ഈ സാഹചര്യത്തില് ജലനിരപ്പ് ക്രമീകരിക്കാന് തമിഴ്നാട് കൂടുതല് വെള്ളം തുറന്നു വിടാന് സാധ്യതയുണ്ട്. സ്പില്വേ വഴി കടുതല് ജലം ഒഴുകി എത്തിയതോടെ പെരിയാറിലെ ജലനിരപ്പ് മൂന്നടിയോളം ഉയര്ന്നിട്ടുണ്ട്. മന്ത്രി റോഷി അഗസ്റ്റിനും ഉദ്യോഗസ്ഥരും തേക്കടിയില് ക്യാമ്പ് ചെയ്താണ് കാര്യങ്ങള് ഏകോപിപ്പിക്കുന്നത്.
