ഇസ്ലാമാബാദ്: മുംബൈ ആക്രമണത്തിന്റെ മുഖ്യ ആസൂത്രകനായ ഹാഫിസ് സയിദിന് പാകിസ്താനില് 11 വര്ഷത്തെ തടവ് ശിക്ഷ. ഭീകരവാദ പ്രവര്ത്തനത്തിന് സാമ്പത്തിക സഹായം നല്കല്, കള്ളപ്പണം കടത്തല് തുടങ്ങിയ കേസുകളിലാണ് പാകിസ്താന് കോടതി ഹാഫിസിനെ 11 വര്ഷത്തെ തടവിന് ശിക്ഷിച്ചത്.
പാക് പഞ്ചാബ് പോലീസിന്റെ ഭീകരവാദ വിരുദ്ധ വകുപ്പാണ് ഇയാള്ക്കെതിരെ കുറ്റം ചുമത്തിയത്. ലാഹോറിലും ഗുജറന്വാലയിലും രജിസ്റ്റര് ചെയ്ത രണ്ട് കേസുകളിലായി അഞ്ചര വര്ഷം വീതമാണ് ശിക്ഷ. 15,000 രൂപ പിഴയും ഒടുക്കണം. അസേമയം 166 പേര് കൊല്ലപ്പെട്ട മുംബൈ ആക്രമണത്തിന് പിന്നില് ഇയാളാണെന്ന് തെളിഞ്ഞതോടെ ഐക്യരാഷ്ട്ര സഭ സുരക്ഷ കൗണ്സില് നിരോധനവും ഏര്പ്പെടുത്തിയിരുന്നു.
ലഷ്കര് ഇ ത്വയിബ സ്ഥാപകനും ജമാഅത്ത് ഉദ്വ തലവനുമാണ് ഹാഫിസ് സയിദ്. പാകിസ്താനില് മാത്രം 23 ഭീകരവാദ കേസുകളാണ് സയിദിനെതിരെയുള്ളത്. ഇന്ത്യ നിരവധി കേസുകള് എടുത്തിട്ടും ഇയാള് പാകിസ്താനില് സര്ക്കാരിന്റെ സഹായത്തോടെ സ്വതന്ത്രമായി വിഹരിക്കുകയായിരുന്നു. അന്താരാഷ്ട്ര സമൂഹത്തിന്റെ സമ്മര്ദ്ദഫലമായാണ് ഇയാള്ക്കെതിരെ ഭീകരവാദ കേസുകള് ചുമത്താന് പാകിസ്താന് തയ്യാറായത് പോലും.