മഹാരാഷ്ട്ര : മഹാരാഷ്ട്രയിലെ കല്യാണില് മകന് അമ്മയെ കഴുത്ത് ഞെരിച്ച് കൊന്നു. ഹനുമാന് നഗര് നിവാസിയായ 64 കാരി സരോജയെ ആണ് 34 കാരനായ മകന് രവി കഴുത്ത് ഞെരിച്ച് കൊലപ്പെടുത്തിയത്. ആയുര്വേദ ഡോക്ടറായ മകന് കുറച്ച് കാലമായി തൊഴില് രഹിതനായിരുന്നു. രവി പലപ്പോഴും സരോജയെ പണം ചോദിച്ച് ബുദ്ധിമുട്ടിച്ചിരുന്നു. ഇത്തരത്തിലുണ്ടായ വഴക്കാണ് നിലവില് കൊലപാതകത്തില് കലാശിച്ചത്.
തിങ്കളാഴ്ച രാത്രി രവി സഹോദരിയെ വിളിച്ച് അമ്മ ആത്മഹത്യ ചെയ്തുവെന്ന് അറിയിക്കുകയായിരുന്നു. ഉടന് സഹോദരി കോല്സെവാദി പോലീസ് സ്റ്റേഷനില് വിവരമറിയിക്കുകയും പൊപോലീസ് ആത്മഹത്യാ കേസ് രജിസ്റ്റര് ചെയ്ത് മൃതദേഹം പോസ്റ്റുമോര്ട്ടത്തിന് അയക്കുകയും ചെയ്തു. പോസ്റ്റ്മോര്ട്ടം റിപ്പോര്ട്ടാണ് രവിക്ക് കുരുക്കായത്. റിപ്പോര്ട്ടില് സരോജയുടേത് കഴുത്ത് ഞെരിച്ചുള്ള കൊലപാതകമാണെന്ന് കണ്ടെത്തിയിരുന്നു.
