മുംബൈ : ബുര്ഖ ധരിക്കാത്തതിന്റെ പേരില് വേര്പിരിഞ്ഞ് താമസിച്ചിരുന്ന ഭാര്യയെ വെട്ടിക്കൊലപ്പെടുത്തി യുവാവ്. രൂപാലി എന്ന യുവതിയെയാണ് മുപ്പത്തിയാറുകാരനായ ഇഖ്ബാല് ഷെയ്ഖ് എന്നയാള് കൊലപ്പെടുത്തിയത്. 2019ലാണ് ഇരുവരും തമ്മില് വിവാഹിതരായത്. മതാചാരങ്ങള് പാലിക്കുന്നില്ലെന്നും മകനെ വിട്ടു നല്കുന്നില്ലെന്നും ആരോപിച്ചാണ് കൊലപാതകം. ഇഖ്ബാലിന്റെ കുടുംബം യുവതിയെ ബുര്ഖ ധരിക്കാന് നിര്ബന്ധിച്ചിരുന്നു. ഇത് ഇരുവരും തമ്മിലുള്ള തര്ക്കത്തിന് കാരണമായിരുന്നു. പിന്നാലെ യുവതി കുട്ടിയുമായി മാറിത്താമസിച്ചു.
