ന്യൂഡല്‍ഹി : ഭക്ഷണം വിളമ്പി നല്‍കാത്തതിന് ഭാര്യയെ ഭര്‍ത്താവ് കൊലപ്പെടുത്തി. സംഭവത്തില്‍ വിനോദ് കുമാര്‍ ദുബെ (47) എന്നയാളെ പോലീസ് അറസ്റ്റ് ചെയ്തു. ഡല്‍ഹിയിലെ സുല്‍ത്താന്‍പുരിലാണ് സംഭവം. വിനോദും ഭാര്യ സോനാലിയും ഒന്നിച്ച്‌ മദ്യപിച്ചിരുന്നു. തുടര്‍ന്ന് ഭക്ഷണം വിളമ്പി നല്‍കാന്‍ ഭാര്യയോട് ആവശ്യപ്പെട്ടുവെങ്കിലും അവര്‍ നിരസിച്ചു. ഇതോടെ ഇരുവരും തമ്മില്‍ വാക്കേറ്റമുണ്ടായി. ഒടുവില്‍ കലിപൂണ്ട വിനോദ് തലയണ ഉപയോഗിച്ച്‌ ശ്വാസം മുട്ടിച്ചാണ് സോനാലിയെ കൊലപ്പെടുത്തിയത്.
സൊനാലി മരിച്ചുവെന്ന് അറിയാതെ ഇയാള്‍ മൃതദേഹത്തിനൊപ്പം കിടന്നുറങ്ങി. രാവിലെ ഉറക്കമെഴുന്നേറ്റപ്പോഴാണ് ഭാര്യ മരിച്ചെന്ന് മനസ്സിലായത്. തുടര്‍ന്ന് വീട്ടിലുണ്ടായിരുന്ന 40,000 രൂപയുമായി കടന്നുകളയുകയായിരുന്നു. തുടര്‍ന്ന് പോലീസ് നടത്തിയ പരിശോധനയിലാണ് ഇയാള്‍ പിടിയിലായത്.
