പാലക്കാട് : പട്ടാമ്പിയില് ഗൃഹനാഥനെ വീട്ടില് നിന്ന് വിളിച്ചറക്കി കൊലപ്പെടുത്തിയതായി പോലീസ്. 50 കാരനായ കൊപ്പം വണ്ടുംന്തറയില് കടുകതൊടി അബ്ബാസ് ആണ് കുത്തേറ്റ് മരിച്ചത്. പുലര്ച്ചെ 6.30 നായിരുന്നു സംഭവമെന്ന് പരിസരവാസികള് പറഞ്ഞു. സംഭവത്തില് അക്രമിയെ ഇതുവരെ പോലീസിന് പിടികൂടാനായിട്ടില്ല.
പോലീസ് പറയുന്നതിങ്ങനെ: അബ്ബാസിനെ വീടിന് പുറത്തേക്ക് വിളിച്ച് വരുത്തി മാരകായുധം ഉപയോഗിച്ച് അക്രമി കുത്തുകയായിരുന്നു. ആശുപത്രിയില് എത്തിച്ചെങ്കിലും മരണം സംഭവിച്ചു. കുത്തിയ ആളെക്കുറിച്ച് അന്വേഷിച്ച് വരികയാണ്. പോസ്റ്റുമോര്ട്ടം നടപടികള്ക് ശേഷം മൃതദേഹം ബന്ധുക്കള്ക്ക് വിട്ടു നല്കുമെന്ന് പോലീസ് അറിയിച്ചു.
