ചെന്നൈ: ഓടുന്ന ബസില് വെച്ച് യുവതിയെ കഴുത്തറുത്തു കൊന്നു. തമിഴ്നാട് ദിണ്ടിഗല് ജില്ലയിലെ നത്തത്തിന് സമീപമാണ് സംഭവമുണ്ടായത്. ഗണവായ്പ്പട്ടി സ്വദേശി ദമയന്തിയാണ് മരിച്ചത്. സ്വത്ത് തര്ക്കത്തെ തുടര്ന്നുണ്ടായ പകയില് ഭര്തൃ സഹോദരനാണ് കൊലപാതകം നടത്തിയത്. ആക്രമം ഉണ്ടായ ഉടന് യുവതിയെ ആശുപത്രിയിലെത്തിക്കാന് ശ്രമിച്ചെങ്കിലും കഴുത്തിന് മാരകമായി മുറിവേറ്റ ഇവര് ബസില് വെച്ച് തന്നെ മരിച്ചു.
ദമയന്തിയുടെ ഭര്ത്താവ് ഗോപി ദിണ്ടിഗല് നഗരത്തിലെ ഓട്ടോ ഡ്രൈവറാണ്. ഗോപിയും സഹോദരന് രാജാംഗവും തമ്മില് കുടുംബസ്വത്ത് വിഭജിക്കുന്നത് സംബന്ധിച്ച് ഏറെ നാളായി തര്ക്കം തുടരുകയാണ്. ഇതുമായി ബന്ധപ്പെട്ട സിവില് കേസ് ദിണ്ടിഗല് കോടതിയുടെ പരിഗണനയിലാണ്. കേസിന്റെ ആവശ്യത്തിനായി ദിണ്ടിഗലിലെ വക്കീല് ഓഫീസിലേക്കുള്ള യാത്രക്കിടയിലാണ് ദമയന്തിക്ക് നേരെ ആക്രമണം ഉണ്ടായത്. കൊലപാതകത്തിന് ശേഷം ഇയാള് ബസില് നിന്ന് ഇറങ്ങിയോടി. ചാണാര്പട്ടി പോലീസ് സ്ഥലത്തെത്തിയാണ് മൃതദേഹം ബസില് നിന്ന് പുറത്തെടുത്ത് മോര്ച്ചറിയിലേക്ക് മാറ്റിയത്.
